Hi Kalupen
Zaman sadi hurap , naan kaulun ineh
andri anak ni upu hang tumpuk pedalaman hang penah jumpun mahaket. Amah here
haut lawah matei/nanan hantik hi Kalupen iya. Iya ina termasuk naan kelainan
andri kawaia lain, naan kalakuan sah lunga andri mawule. Hantik amah ni matei ,
uneng Kalupen andri ineh ni itamelum ngume. Iru padah tau sah puang sukup
memenuhi sah na perlu here tiap andrau ni dagana ineh ni ai sah bagawi gagah
hang ume. Hi Kalupen ekat kaule mandre andri kuman hang lewu. Tenga ni magin
hante , tabalik ineh ni sah mais karing kengkang,iyalah ulun mahi ba gizi.
Suatu andrau, ineh ni nuyu anak ni
hi kalupen nganup ma jumpun tete ume here dagana rama wawui masuk ma wuang ume
here andri nguta kawan amulean hang ume here. Tulak lah hi Kalupen na lepuh
masa jipah hanye jari masang jipah,balalu sanina sambil nantau situa sah wuah
jipah ni .puang lawah udi iru naan dinung ni palanuk takia bagamat, tapi puang
lawah akhir ni palanuk iru wuang jipah Kalupen. Hi Kalupen tamam mihewu bu
hanye ngantara rarampah pakai nuwen palanuk . balalu jari iru, huyu Kalupen
palanuk iru mudi dahulu nelang ngenei rarampah iru nuyu ngami ma ineh ni hang
lewu. Iru isa bukti amun hi Kalupen ina lunga dagana hanye nuyu palanuk iru
mudi dahulu andri mesen ma ineh ni mitah palanuk nuyu na luen marauh – rauh.
Haut Jari hanye nuruk rarampah iru hang tenga palanuk ,bu sanepah ni palanuk
iru, hanye balalu mandre hang jumpun hamper kariwe. Hanye pada puang karasa
inun palanuk iru haut hamper lewu atau tulak. Tapi , sah pasti palanuk iru
nempat andri mihewu da palanuk lepah teka jipah Kalupen.
Huat niba maiyeng, hi kalupen pa
amuan teka andre ni mudi, hanye mudi
takia andri tamam tuu semangat ni nelang hanye mamikir masakan ineh ni tau haut
mandrus palanuk . hamper lewu ineh ni nunti ma hi Kalupen “naan sah iyuh nu nganup?”. Malah emah hi Kalupen ineh ni
nunti kairu, kesah ni ma ineh ni tiba sah palanuk jama ni iru sah huyu ni mudi
dahulu. Karengei kesah Kalupen iru ,ineh ni tuu isek,hanye nyapa – nyapa hi
Kalupen “dasar sah anak lunga andri
bute” eyau ineh ni. Balalu ineh nit tap sah nuyu hi kalupen nganup ma jumpun
ngantara situa “amun haut kaiyuh situa ni, kakasah hamper matei,balalu enek
mudi.”
Ma kauni ni ,tulak hi Kalupen ma
jumpun lepuh nganup. Udi hanye masang jipah, Senga andrau uran mehet tuu. Hi
Kalupen ngantara uneng ba lindung bu saandre. Sadang haut jara uran ,hanye
amuan bu nantau jipah ni iru. Hanye tamam mihewu da katantau rama situa wah
jipah ni. Balalu hanye hinang hanye nuwe iyuh ni ma wuang unengan haut na sadia
ni andri segera hanye mudi ngenei iyuhan ni. Hamper hang lewu hanye palus
ngampidinung ma ineh ni andri penuh bangga hanye nuyu ineh ni mamasak iru.
Tapi, ineh ni emah katantau iyuhan Kalupen puang sah situa iyuh ni tuu ni sah
kulat sah haut hancur na kakasah Kalupen , lagi ineh nu nyapa hi Kalupen da
kajut bute,lunga, andri puang tau mambeda situa andri kulat. Ineh nib u
menjelaskan ma hi Kalupen amun kulat sah na antuh kalupen na puang situa. Iru
da andrau uran tumu kulat hang wuang jipah ni. Kaina kisah singkat tiba hi
Kalupen iya upu sah lunga,bute,andri lunga.
Tidak ada komentar:
Posting Komentar