Hi Nalau
Sadi naan
hang wuang jumpun sah tuu mahaket andri lawit teka uneng ulun rami, naan welum
erang kaulun upu, ngaran ni hi Nalau. Hanye wau kawawaian/kapatean ineh na sinta ni. Nalau sedih tuu ineh ni
matei . Hanye kai rapui,dampak ni papire
andrau hanye puang hakun bagawi. Udi hanye ngumpe pamikiran hanye kawawaian
ineh ni iru. Hanye naan niat kai ngume hang jumpun sah tuu mahaket iru.
Ma kauni ni,
kaayat tuu , hanye haut tulak ma jumpun ngugah jumpun iru andri namaruh jumpun
iru itawah,andri neweng katuluh kawan kakau sah kai na ulah ni jari ume Nalau.
Hanye gagah tuu ,hamper papire andrau ai haut jari tamaruh ni jumpun sah
mahaket nai. Mihewu tuu hanye da jari,udi selesai bu mudi hanye. Bu ma kauni
ni, emah hi Nalau na sengga emah tuu kantau dagana jumpun sah na tawah andri na
teweng ni iru,mulek jari jumpun mahaket tuu lagi iyalah mahi hanye udi namaruh
ni. Nelang tamam tuu isek ni ,hanye bagawi lagi tamaruh . kariwe ni , hi Nalau
puang langsung mudi hanye sanina hang balakang kakau kayu hante. Hanye hamen
katantau hiye andri dainun tamaruh ni iri mulek jari jumpun. Puang lawah hanye
katantau wurung punei. Telu kaukui wurung punei ganyah ba nyanyi. Inu sah
terjadi ? udi kawan wurung iru ba nanyanyi ,kawan kawan kakau kayu sah teweng
rata andri tane senga mulek mindri kawan kakau kayu iru iyalah kalah awal ni.
Dagana isek , HI Nalau mansuba nyama wurung punei iru bu iyuh ni isa enei ni
mudi ma lewu . Hamper lewu wurung punei iru tau ba paner ,ngamaner hi Nalau .
Wurung punei iru bapaner hakun jari darangan Nalau , asal naan syarat ni wurung
punei iru na ulah galang kayu. Balalu galang kayu iru na pasang hang
pergalangan pee wurung iru. Puang na sangka senga iyalah upi eyau Nalau ,wurung
punei iru ba ubah menjadi wawei mawinei. Here rueh jari idarangan.
Waktu tuu
hinang, akhir ni , darangan Nalau malahir anak here ,upu anak Nalau ngaran
hi Silu . Papire taun haut mitah, Silu
jari iya bujang sah rajin ngarawah ulun matueh bagawi . suatu andrau , hi Nalau
ngayak anak ni hi Silu ma ume. Pas haut penah andrau , hi Silu iwara ma amah ni
amun hanye mudi dahulu da hanye haut uyuh tuu. Hamper lewu hi Silu katantau
ineh ni lagi mandre bu andri jahil ni hanye netek galang kayu hang pee ineh ni
ru. Inun sah terjadi ? udi iru patetek, ineh ni dutit- dutit ba ubah jari
wurung punei lagi. Puang lawah di iru hi Nalau hawi , katantau iru hi nalau
nuyu hi Silu nutup alewen,jandela, andri katuluh sah naan luwang hang lewu
here,hampan ineh jari wurung lagi puang tau tulak. Hi Silu tuu sasal hante
ngiak eleh hanye andri sambil ngamaner ineh ni laku jari murunsia lagi. Tapi ,
ineh ni bapaner andri hi Silu puang tau jari murunsia lagi,ekat hindra ai tau .
Ineh ni mesen ma Silu harus tabah andri rajin – rajin ngarawah amah nu. Hang
keadaan ini , Hi Nalau nyama wurung punei/darangan ni samiding hang wuang lewu
here iru , puang ni kaiyuh. Akhir ni ,wurung punei iru kahaba luwang halus
lalan ni kaluar dan hanye samiding tulak. Hi Nalau andri hi Silu ekat kiak
eleng hang wuang penyesalan here.
Hi Nalau andri anak ni hi Silu welum ba rueh ai ,nelang
ngenei rasa penyesalan here iru.akhir ni welum here bajalan tanpa naan
ineh/darangan sah na sinta here.
Tidak ada komentar:
Posting Komentar