The stories of dayak maanyan/tanuhui_5. Pasungan andri Jin

Pasungan andri Jin

Sadi ru  naan ngaran ulun ni hi Pasungan ,hanye ina ulun samatan cerdik tuu,hanye ina ulun ni gagah tuu aur bagawi hang ume dan gaha mi anup hang jumpun. Hanye itamelum ekat andri neh ni , amah ni haut lawah nanan jari Pasungan sah gaya ma jumpun ngantara nakuta ma here rueh ineh ni. Sadi ru pada naan Jin Hante sah tau nguta manusia dri situa,tapi tamam na kakanen ni iru hanye manusia.Takam na takut ulun tumpuk dami tulak na jumpun atau ma ume,dami ma ume kawan ulun puang heei hamper kamalem,takut na incar Jin .

Suatu andra Pasungan huyu ineh ni ma ume,tiap hanye tulak aur ngenei taruh ma rape ni, hi Pasungan ina ganyah sibuk bagawi hang ume imulean sayur, senga ganyah hanye imulean naan suara pee Jin hante , karengei iru hi Pasungan jari mahanang ulu ma awe hanye tulak nempat sika sasah jin hante ina dami hanye ilangkah ,sapuluh langkahan Pasungan,isa langkah jin . Pikir – pikir hanye jin iru haut hang iring ume ni haut katantau hanye ,nempat ma wuang jumpun katia sah lawih tuu, eyau ni  wang atei ni “ seh wareh aku sah sanina hang wang tulung watang hante ina,jin iru puang kaiyuh sika ni nyama aku hanye sah hante” akhir ni Pasungan ina sanina hang tulung watang hang wang ume ni ru. Puga ina Jin iru kaluar penah andrau da haut kalauan tatuu.

Jin  iru nuju watang iru,eyau jin iru : “ Andrei u Pasungan aku nguta u,aku samatan kalauan”,hamper uh jin iru hang watang uneng ni sanina iru. waleh Pasungan “ ha jama amun u tau nyama aku, asuk ma  tulung watang ina”. Balalu mulai jin hante itu ngampasuk tangan ni ma tulung watang iru,puang jin hante iru kaiyuh da hi Pasungan magin ba geser ma tuhi ni.

Katantau itu hi Pasungan ina ,jari bapikir ngakal jin  iru kai munu ni ,eyau ni “ jaman aku amun u kakan aku na,mun ekat tangan nu maka kaiyuh nyama aku,ampasuk ulu nu ma ina hampan palus nguta aku” pikir jin hante nai,dasar bujur eyau Pasungan nai. Jin ina puang mikir lagi hanye mansuba ngampasuk ulu ni ma wang watang iru da haut kalauan tuu ,hanye tuu ni dami jin hante ina  ngampasuk ulu ni ireket hang tulung watang. hi Pasungan sah halus muat hanye.

Eyau Pasungan : “ aku sah tabalik munu hanyu ,hanyu mahi badaya ireket ulu nu( nelang mamani kai mupuk pakai lunan taruh).” Waleh  jin : “ ada..ada.. aku puang hakun matei lagi.” Pasungan :“ seh.. hanyu harus matei, aur ngulah takun ulun tumpu  andri nguta ulun”  Jin :“ ada..aku bamohon andri hanyu ada munu aku,” Pasungan : “ seh aku munu hanyu,blokk..blokk ( pangkung pa Pasungan ulun jin iru padahan pakai lunan taruh ai,tapi jin iru takut tuu da usu Pasungan nai).” Balalu eyau Jin: “ mayu..mayu.. ada munu aku, aku janji aku puang nguta ulun lagi.” Piker –pikir lagi hi Pasungan eyau ni : “ amun ekat puang nguta,u tatap ngangu ulun tumpuk.” Waleh Jin : “ aku pada janji puang nganggu ulun tumpuk ,aku pada akan ngarawah ulun tumpuk,”mikir-mikir  hi Pasungan,eyau ni : “ ha amun kairu u bajanji,puang aku munu u andri aku ngaluar u teka tulung watang ina.” Waleh Jin :  “ hiyai aku janji,awat karawah aku kaluar aku sini welum padah.”

            Karengei janji iru  ni hi Pasungan taduh mupuk ulu jin hante dan hanye ngarawah netek watang  iru ngaluar jin hante ina. Jin hante iru berterimakasih andri hi Pasungan. Akhir ni jin hante iru,taduh kalakuan ngangu andri mikir nguta ni dri ulun tumpuk,hanye tati maeh ngarawah kawan ulun tumpuk dan barakat hi Pasungan ulun tumpuk aman dan sejahtera.